Дзяржаўная ўстанова культуры «Калінкавіцкі краязнаўчы музей»

26 сакавіка 1991 г. быў створаны Калінкавіцкі дзяржаўны краязнаўчы музей, які размяшчаўся ў САШ № 6, а затым быў пераведзены ў дзвухпавярховую цагляную прыбудову да будынка раённага ваеннага камісарыята. Для наведвальнікаў 14 студзеня 1994 г. была адкрыта выставачная зала музея. У 1999 г. была адкрыта першая экспазіцыя "Прырода роднага краю і яе ахова". 14 студзеня 2004 г. былі адкрыты тры экспазіцыйныя залы: "Вярсэты Гісторыі альбо Старажытнасці Калінкавіцкага краю ў матэрыяльных рэштках"; "Калінкавіцкі строй. Песня маіх дзядоў"; "Яны прайшлі па той вайне". У апошні час музей актыўна набывае рысы рэгіянальнага культуралагічнага цэнтра, у якім канцэнтруюцца "памяць і душа" насельніцтва рэгіёна. Змест фондаў Калінкавіцкага краязнаўчага музея абумоўлены гісторыка-краязнаўчым напрамкам яго развіцця і прадстаўлены дзесяццю музейнымі калекцыямі: дакументаў, нумізматычных матэрыялаў, этнаграфіі і по-быту, археалагічнай, друкаваных выданняў, фотаматэрыялаў, народнага мастацтва, жывапісу, дэкаратыўна-прыкладнога мастацтва, скульптуры. У сваёй сукупнасці яны даюць аб'ектыўную і яркую гісторыка-культурную карціну Калінкавіцкага рэгіёна.
Першы нацыянальны форум "Музеі Беларусі". Каталог музеяў. Міністэрства культуры Рэспублікі Беларусь, 2012.